रूसयुक्रेनयुद्धस्य अनन्तरं जी-२०-सङ्घस्य प्रथमा संयुक्तघोषणा। अस्याम् आतङ्कवादस्य ९ वारं, युक्रेन-देशस्य ४ वारं उल्लेखः। आफ्रिकासङ्घ: जी२० सङ्घस्य सदस्यः अभवत्।

जी-२० सभायां देशस्य नामफलके भारतम्। देशस्य नाम INDIA इति स्थाने प्रथमवारं भारतम्। स्मृति इरानी अवदत् - इदं विश्वासस्य श्रद्धाया: च नाम।

विश्वनायका: जी-२० शिखरसम्मेलनार्थं दिल्लीं प्राप्ता:। प्रधानमन्त्री १५ देशैः सह द्विपक्षीयवार्तालापं करिष्यति।

राहुलः ब्रसेल्सनगरे अवदत् - भारते गान्धी-गोडसेमतयो: युद्धम्। मोदी I.N.D.I.A गठबन्धनस्य भयात् देशस्य नामपरिवर्तनम् इच्छति।

शिक्षकदिने राष्ट्रपतिना सम्मानिता: देशस्य समर्पिता: ७५ शिक्षका:।

अनुच्छेद ३७० इत्यस्य वादश्रवणं सम्पन्नं जातम्, शीर्षन्यायालयेन निर्णय: आरक्षित:। न्यायालये केन्द्रस्य निर्णयस्य विरुद्धं २३ याचिकाः पञ्जीकृता: आसन्।

सूर्यः चन्द्रे अस्तं गत: विक्रम: प्रज्ञानं च रात्रौ -238°C तापमानस्य शैत्यं सोढुं समर्थौ भविष्यत: अथवा सदैव निद्रां करिष्यत:।

तमिलनाडुराज्यस्य मुख्यमन्त्रिणः पुत्रस्य मतानुसारेण सनातनधर्म: एक: रोग:। तस्य समाप्तिः आवश्यकी अस्ति। दिल्लीनगरे एफआइआर पञ्जीकृता।

संस्कृतदिनं लक्ष्यीकृत्य संस्कृतस्य प्रसाराय गुजरातीभाषाया: प्रख्यातस्य कच्छमित्र इति दैनिकवर्तमानपत्रस्य प्रशंसनीयं कार्यम्।