प्रत्येकं धर्मस्य सम्मानम् आवश्यकम्। धर्मस्योपरि अपमानजनकटिप्पणीं लक्ष्यीकृत्य योगिन: कठोरप्रतिक्रिया।

उत्तरप्रदेशस्य मुख्यमन्त्री योगी आदित्यनाथः यस्य कस्यापि धर्मस्य धर्मगुरो: वा अपमानस्य विषये बृहत् वक्तव्यं दत्तवान्। मुख्यमन्त्रिणा योगिना उक्तं यत् कस्यापि जाति-धर्म-सम्प्रदायस्य देवता-महापुरुष-साधु-विरुद्धानि अपमानजनकवक्तव्यानि न हिताय। एतेन सह विरोधस्य नाम्ना दुष्प्रवृत्ति: अपि न योग्या। वरिष्ठाधिकारिभिः सह व्यवस्थायाः स्थिते: समीक्षां कुर्वन् मुख्यमन्त्री अवदत् यत् प्रत्येकं धर्मस्य आस्थायाः सम्मानस्य निर्वहणम् अत्यावश्यकम् अस्ति। महापुरुषाणां प्रति प्रत्येकं नागरिकस्य कृतज्ञतायाः भावः भवेत्, परन्तु तत् कस्यचित् उपरि बाध्यं कर्तुं न शक्यते।

Editor In Chief : Dr Dhimant Purohit