टाटा सन्स् इत्यस्य मानदाध्यक्षस्य उद्योगसाहसिकस्य रतन नवल टाटा इत्यस्य ८६ वर्षे निधनम् अभवत्। बुधवासरे रात्रौ ११ वादनस्य समीपे सः अन्तिमश्वासं गृहीतवान्। सः मुम्बईनगरस्य ब्रीच् कैण्डी-चिकित्सालये इन्टेन्सिव् केयर यूनिट् (ICU) इत्यत्र प्रवेशितः आसीत्, सः आयुःसम्बद्धैः रोगैः पीडितः आसीत्। यशस्कायस्य तस्य मर्त्यशरीरं नरिमन-पोइन्टस् क्षेत्रे राष्ट्रिय-प्रदर्शन-कला-केन्द्रे (NCPA) जनदर्शनार्थं स्थापितमस्ति। अत्र जनाः सायं ४ वादनपर्यन्तं अन्तिमदर्शनं कर्तुं शक्नुवन्ति। सायङ्काले राज्यसम्मानेन अन्तिमसंस्कारः भविष्यति। रतनटाटा अस्य मासस्य ७ दिनाङ्के आईसीयू-मध्ये प्रवेशं प्राप्तवान् इति वार्ता आसीत्। परन्तु सः स्वयमेव एतत् न अङ्गीकृत्य सः कुशलः अस्ति, नियमितपरीक्षायै चिकित्सालयं प्राप्तवान् इति च अवदत् आसीत्। नैकै: राष्ट्रिय-अन्ताराष्ट्रिय-महानुभवै: तस्मै श्रद्धाञ्जलि: प्रदत्ता।