प्रधानमन्त्री नरेन्द्रमोदी सोमवासरे द्विदिवसीययात्रायाः कृते केरलं प्राप्तवान्। सः प्रथमं कोच्चिनगरे पदाति: मार्गप्रदर्शनं कृतवान् पश्चात् कारयाने उपविश्य जनानां मध्ये गतः। अस्मिन् काले स: केरलस्य पारम्परिकवेषे दृष्टः। २ किलोमीटर् यावत् दीर्घं मार्गप्रदर्शनं कृत्वा प्रधानमन्त्री 'युवम् २०२३' इति यूनाम् आयोजनं  प्राप्तवान्। अत्र जनान् सम्बोधयन् सः अवदत् यत् पूर्वसर्वकाराः प्रत्येकं क्षेत्रे भ्रष्टाचारं कुर्वन्ति स्म, यदा तु भाजपासर्वकारः प्रत्येकं क्षेत्रे यूनां कृते नूतनान् अवसरान् सृजति। अद्य सर्वे वदन्ति यत् एकविंशतितमशतकं भारतस्य शतकम् इति। भारतं सः देशः अस्ति यस्य युवशक्तेः विशालः जलाशयः अस्ति। पूर्वं भारते परिवर्तनं न भविष्यति इति चिन्तितम् आसीत्, परन्तु अधुना अस्माकं अयं देशः समग्रं विश्वं परिवर्तयितुं शक्नोति इति।