वर्षाकालीनसत्रस्य तृतीये दिने मणिपुरप्रकरणे संसदि बहु कोलाहलः अभवत्। लोकसभायां राज्यसभायां च विपक्षसांसदै: कोलाहल: आरब्ध:। अस्य कोलाहलस्य कारणात् २५ जुलै (मङ्गलवासरे) प्रातः ११ वादनपर्यन्तं संसदस्य द्वयोः सदनयोः स्थगनम् उद्घोषितम्।
राज्यसभायां मणिपुरविषये अध्यक्षेण जगदीपधनखडेन सह विवादं कुर्वन् आप-सांसदः संजयसिंहः सम्पूर्णे वर्षाकालसत्रे निलम्बितः जात:। सः अध्यक्षस्य आदेशस्य अवज्ञां कृतवान् इति आरोपः अस्ति।
