अधुना बङ्गालराज्यं हिंसायाः अग्नौ प्रज्वलितमस्ति। कोलकाताबलात्कारहत्याप्रकरणे विधिव्यवस्थायां प्रमादं कृत्वा ममता बनर्जी इत्यस्याः त्यागपत्रस्य आग्रहः भाजपद्वारा क्रियते। यस्य कारणात् बङ्गालभाजपानेतारः विरोधं कुर्वन्ति। मुख्यमन्त्री ममता बनर्जी बङ्गाल-तृणमूलकाङ्ग्रेसस्य तृणमूलविद्यार्थीपरिषदः २७ तमे स्थापनादिने उक्तवती यत्, 'विगतदिनेषु कोलकातानगरे महिलाप्रशिक्षुवैद्यायै न्यायं दापयितुं विशालप्रदर्शनानि भवन्ति। गतदिने छात्रै: कृतस्य विरोधस्य विरुद्धं जाताया: सर्वकारीयचेष्टाया: सन्दर्भे भाजपद्वारा बङ्गपिधानस्य घोषणा कृता आसीत्। अस्मिन् विषये भाजपा न्यायं न इच्छति, ते केवलं बङ्गस्य अपकीर्तिमिच्छति। मोदी पश्चिमबङ्गदेशे अग्निं ज्वालयति। यदि बङ्गदेशे अग्निं जनयति चेत् असम-पूर्वोत्तर-देहली-बिहार-झारखण्ड-ओडिशाराज्येषु अपि तथैव भविष्यति।' 

वक्तव्यास्य प्रचण्ड: विरोध: जात: मणिपुरस्य बिरेनसिंहस्य विरोधस्य अनन्तरम् उग्रप्रत्युत्तररूपेण असमस्य मुख्यमन्त्री सरमा उक्तवान् यत् दीदी! कथं भवत्या: साहसं पूर्वोत्तरराज्येभ्य: भर्त्सनं दातुम् ! अस्मान् रक्तनेत्रे मा दर्शय। असफलराजनीत्या भारतदहनं मा कुरु। भवत्या: विभाजनकारिणी भाषा न शोभते इति।