अद्य महाकुम्भायां विशालः जनसमूहः अस्ति। प्रयागराजस्य मार्गाः वीथय: च जनै: पूर्णाः सन्ति। जनसमूहस्य प्रबन्धनार्थं प्रशासनेन अनेकस्थानेषु अवरोधका: स्थापिताः सन्ति। परन्तु आगच्छन् जनसमूहः अवरोधकान् लङ्घयित्वा प्रविष्ट:। रेलस्थानके बसस्थानके च पादं स्थापयितुं अपि स्थानं नास्ति। केवलं घण्टाद्वये एव (प्रात:काले ४ तः ६ वादनपर्यन्तं) ७० लक्षजनाः संगमे स्नानं कृतवन्त:। तस्मिन् एव काले महाकुम्भनगरं पुनः विश्वस्य बृहत्तमं नगरम् अभवत्। मङ्गलवासरे रात्रौ १० वादनपर्यन्तं ४.९९ कोटि भक्ताः स्नानं कृतवन्तः। यदि अस्यनगरस्य प्रायः ७० लक्षजनसंख्या योज्यते तर्हि प्रयागराजनगरे एकस्मिन् दिने अभिलेखिता संख्या ५.५३ कोटिः आसीत्। एतादृशे परिस्थितौ प्रयागराजः जनसङ्ख्यायाः दृष्ट्या विश्वस्य बृहत्तम-टोक्यो-नगरात् अपि अग्रे गत:।