जयरामरमेशः जूनमासस्य प्रथमदिनाङ्के सामाजिकमाध्यमे “X” इत्यत्र एकं सन्देशं प्रसारितवान् आसीत् यत्र उक्तं यत् गृहमन्त्री अद्य प्रातःकालादेव जनपदाधिकारीभिः सह दूरभाषेण वार्तालापं करोति। अधुना यावत् १५० अधिकारिभिः सह वार्ता कृता अस्ति। अधिकारिभ्य: मुक्ततया भर्त्सनप्रदानस्य एषः प्रयासः अत्यन्तं लज्जाजनकः अस्वीकार्यः च अस्ति। एतस्मिन् विषये निर्वाचनायोगेन सोमवासरे कोंग्रेससनेत्रे जयरामरमेशाय प्रमाणसहितं प्रत्युत्तरं दातुमुक्तम्  यत्र सर्वेषां १५० जनपदाधिकारिणां नामानि स्यु:। जयराम रमेशः ७ दिवसानां समयं याचितवान् आसीत्। एतत् निर्वाचनआयोगेन न अङ्गीकृतम्। ततः पूर्वं रविवासरे निर्वाचनायोगेन संज्ञानं गृहीतम् आसीत्। आयोगेन जयरामं प्रति पत्रं लिखितं यत् सः सायं ७ वादनपर्यन्तं स्वस्य प्रतिपादनस्य सम्बद्धं विवरणं दद्यात् इति।