अमेरिकादेशे हिन्दुमन्दिराणां विघटनप्रयासा:, तेषां पवित्रभित्तिषु खालिस्तानसमर्थितलेखनं च दृष्ट्वा भारतदेश: क्रुद्ध: अस्ति। भारतीयविदेशमन्त्रालयेन एतस्या: घटनायाः निन्दां कृत्वा तस्य विरोधस्य पञ्जीकरणं कृतम् अस्ति। विदेशमन्त्री एस जयशंकरः शनिवासरे घटनाया: विषये अवदत् यत् अतिवादिनः पृथक्तावादिन: च भारतात् बहिः स्थानं न प्राप्नुयु: इति। अत्र राष्ट्रियरक्षाविश्वविद्यालयस्य तृतीयस्य दीक्षांतसमारोहस्य अवसरे विदेशमन्त्री पत्रकारैः सह भाषमाणः आसीत्।
न्यूयोर्कपुलिस एनवाईपीडी इत्यनेन उक्तं यत् पूर्वाग्रह:, हिंसा, सम्पत्तिनाश:, उत्पीडनं, द्वेष: वा अन्यस्य अपराध: यत्किमपि कार्यं वा भर्त्सनं वा अतीव गम्भीरं मन्यते। एतदर्थं उच्चप्राथमिकता च दीयते।
