रविवासरे केनेडादेशस्य ब्रैम्पटननगरे हिन्दुसभामन्दिरं आगतानां जनानां उपरि खालिस्तानीसमर्थकाः आक्रमणं कृतवन्तः। आक्रमणकारिणां हस्तेषु खालिस्तानध्वजाः आसन्। ते मन्दिरे उपस्थितान् जनान् यष्टिभिः आक्रमितवन्तः। अस्या: घटनायाः चलचित्रं सामाजिकमाध्यमेषु प्रसरितमस्ति। केनेडादेशस्य प्रधानमन्त्री जस्टिनट्रुडो इत्यनेन घटनायाः निन्दा कृता अस्ति। विपक्षनेता पियरे-पोइलिव्रे इत्यनेन उक्तं यत् एतादृशानि आक्रमणानि सर्वथा अस्वीकरणीयानि सन्ति। सर्वे केनेडादेशिनः शान्तिपूर्वकं स्वधर्मस्य आचरणं कुर्वन्तु।
नैषा प्रथमा घटना। पूर्वेऽपि नैकेषु मन्दिरेषु खालिस्तानसमर्थकै: आक्रमणानि कृतानि।
