गणेशचतुर्थी हिन्दुधर्मस्य महत्त्वपूर्णः उत्सवः अस्ति। उत्सवस्यास्य आचरणं १० दिवसान् यावत् भवति। गणेशचतुर्थी भाद्रपदमासस्य शुक्लपक्षस्य चतुर्थीतिथौ आगच्छति। अस्मिन् दिने पार्वतीपुत्रः गणेशः जातः इति धार्मिकमान्यता अस्ति। देशे सर्वत्र गणेशचतुर्थीपर्व आचर्यते। गणानाम् ईश: इति गणेश: अत: स: आदिपूज्य:। स: सुमुख:, एकदंत:, कपिल:, गजकर्णक:, लम्बोदर:, विघ्ननाशक:, विनायक:, धूम्रकेतु:, गणाध्यक्ष:, भालचंद्र:, गजानन:, गणेश्वर:, गौरीनन्दन:, सिद्धिविनायक:, अष्टविनायक:, बुद्धिपति:, शुभकर्ता:, सुखकर्ता: इत्यादिभि: नामभि: अपि पूज्यते। गणपतिभक्त्या रिद्धे: सिद्धे: च अर्थात् लक्ष्म्या: सरस्वत्या: च युगपत् कृपा प्राप्यते।
समग्रे भारते एतेषु दिवसेषु उत्सवस्य वातावरणं भवति। गृहेषु वीथीषु वसतिषु देवालयेषु च गणेशस्य स्थापना क्रियते अपि च विविधा: कार्यक्रमा: अपि क्रियन्ते।
