कर्नाटकआरक्षकै: ८ जुलै दिनाङ्के बेङ्गलूरुनगरे २००० किलोग्रामपरिमितानि रक्ताङ्गानि वहन्तं ट्रकयानं लुण्ठितवन्तौ दम्पती गृहीतौ। तौ वेल्लोरनगरस्य निवासिनौ भास्करः तस्य पत्नी सिन्धुजा च इति ज्ञातम् अस्ति। अस्मिन् प्रकरणे अन्येषां त्रयाणाम् अभियुक्तानां रॉकी, कुमारः, महेशः च इत्येतेषाम् अन्वेषणं प्रचलति।
कृषकः चित्रदुर्गजनपदस्य हिरियूरनगरात् कोलारविपणिं प्रति रक्ताङ्गानि वहन् आसीत्। तत् दृष्ट्वा दुष्टाः वाहनस्य अनुसरणं कृतवन्तः। ते यानं स्थगयित्वा कृषकं चालकं च आक्रमितवन्तः।
