७ मासानां अनन्तरं कोरोनारोगस्य दैनिकप्रकरणानि ६ सहस्रतः अधिकानि। राज्यैः परीक्षणं वर्धयितव्यम् - केन्द्रम्

देशे पुनः एकवारं कोरोनारोगिणां संख्या वर्धमाना अस्ति। विगत २४ घण्टासु देशे ६०५० नूतनाः रोगिणः ज्ञाताः, १४ जनाः मृताः । सक्रियप्रकरणानाम् सङ्ख्या अपि २८,३०३ यावत् वर्धिता अस्ति। विषयेऽस्मिन् स्वास्थ्यमन्त्री मनसुखमाण्डविया शुक्रवासरे राज्य-सङ्घप्रदेशैः सह समीक्षाचर्चां कृतवान् अस्ति। तेनोक्तम् -”अस्य मासस्य दशमे एकादशे च दिनाङ्के सर्वेषु चिकित्सालयेषु आपत्कालीनपरिस्थितिनिमित्तं समीक्षा करणीया। अपि च चिकित्सालयानां आधाभूतसंरचनायां यदि संशोधनस्य आवश्यकता अस्ति चेत् तस्य निराकरणं करणीयम्। एतदतिरिक्तं कोरोनासम्बद्धानां नियमानाम् अनुसरणं कठोररूपेण करणीयं कारणीयम् च। अस्माकं सतर्कता आवश्यकी, भयः मास्तु।” इति।

Editor In Chief : Dr Dhimant Purohit