पुनः समीपस्थे चीनदेशे एकः मन्त्री अदृश्यः जात:। मासद्वयं यावत् स: दृश्यमान: न जात: ततः परं शी जिनपिङ्ग् इत्यनेन स्वस्य उद्योगसूचनाप्रौद्योगिकीमन्त्री जिन् झुआङ्गलोङ्गः स्वपदात् निष्कासितः। जिन् ज़ुआन्लोङ्गः अन्तिमवारं २०२४ तमस्य वर्षस्य डिसेम्बर्-मासस्य २७ दिनाङ्के सार्वजनिकरूपेण दृष्टः। अस्मिन् समये सः राष्ट्रपते: शी जिनपिङ्गस्य नूतनस्य औद्योगीकरणनीतेः प्रशंसार्थं सभायाः अध्यक्षतां कृतवान्। सः देशे विमानन-उद्योगस्य प्रचारार्थं प्रसिद्धः अस्ति।
चीनदेशं प्रौद्योगिकीमहाशक्तिं करणाय स्वस्य भूमिकायाः श्रेयः झुआङ्गलोङ्गः प्राप्तवान् अस्ति। समाचारसंस्थायाः प्रतिवेदने उक्तं यत् चीनसर्वकारेण शुक्रवासरे सायंकाले घोषितं यत् झुआङ्गलोङ्गः स्वपदात् निष्कासितः अस्ति, तस्य स्थाने ली लेचेङ्ग् नियुक्तः च।
