जन्तर-मन्तरस्थाने विरोधं कुर्वतां मल्लानां समर्थने हरियाणा-देशस्य खाप-पञ्चायतगणाः २७ अप्रैल-दिनाङ्के दिल्ली-नगरम् प्राप्स्यन्ति। भारतस्य मल्लयुद्धमहासंघस्य अध्यक्षस्य बृजभूषणशरणसिंहस्य विरोधं कुर्वतां मल्लानां मध्ये एकः बजरंग पुनिया खापपञ्चायतगणेभ्यः समर्थनार्थं आह्वानं कृतवान् आसीत्।
एप्रिलमासस्य २४ दिनाङ्के पूनिया अवदत् यत्, 'गतवारं वयं त्रुटिं कृतवन्तः। 'वयं क्रीडकाः स्मः, राजनीतिं न जानीमः। अद्य भवताम् आवश्यकता अस्ति, अस्मान् समर्थयन्तु। एतादृशाः बहवः क्रीडकाः विरोधं कुर्वन्ति। यदि इदानीं किमपि न भवति तर्हि कदापि न भविष्यति। अस्माकं भगिनीनां युद्धे सम्मिलिताः भवन्तु। युद्धमिदं एकस्य बाहुबलिनः विरुद्धम् अस्ति।
