કર્ણાટક વિધાનસભા ચૂંટણી પહેલા કોંગ્રેસનો મોટો નિર્ણય: પૂર્વ સાંસદ બીએન ચંદ્રપ્પાને કાર્યકારી અધ્યક્ષ બનાવાયા

કર્ણાટક વિધાનસભા ચૂંટણી પહેલા કોંગ્રેસે અનુસૂચિત જાતિના નેતા અને પૂર્વ સાંસદ બીએન ચંદ્રપ્પાને કાર્યકારી અધ્યક્ષ તરીકે નિયુક્ત કર્યા છે. કોંગ્રેસના મહાસચિવ કેસી વેણુગોપાલે ચંદ્રપ્પાની નિમણૂક અંગે માહિતી આપી છે. કોંગ્રેસે બીએન ચંદ્રપ્પાને કર્ણાટક પ્રદેશ કોંગ્રેસ સમિતિના કાર્યકારી અધ્યક્ષ તરીકે તાત્કાલિક અસરથી નિયુક્ત કર્યા છે. હાલમાં ડીકે શિવકુમાર કર્ણાટક પ્રદેશ કોંગ્રેસ સમિતિનું અધ્યક્ષ પદ સંભાળી રહ્યા છે. કોંગ્રેસ અધ્યક્ષ મલ્લિકાર્જુન ખડગેએ આ નિયુક્તિ કરી છે. કર્ણાટક કોંગ્રેસના કાર્યકારી અધ્યક્ષ આર.કે. ધ્રુવનારાયણનું ગયા મહિને નિધન થઈ ગયુ હતું. હવે આર. ધ્રુવનારાયણના સ્થાને બીએન ચંદ્રપ્પાની નિમણૂક કરવામાં આવી છે.

Editor In Chief : Dr Dhimant Purohit