રાજ્યમાં મોટાભાગના વિસ્તારોમાં બહોળા પ્રમાણમાં વરસાદ વરસી રહ્યો છે. ત્યાર રાજ્યમાં છેલ્લા 12 કલાકની અંદરમાં 202થી વધુ તાલુકાઓમાં વરસાદ પડ્યો હતો.

રાજ્યમાં વરસાદ મન મુકીને વરસી રહ્યો છે. ત્યારે રાજ્યના મોટાભાગના વિસ્તારોમાં સારો એવો વરસાદ પડ્યાના આંકડા સામે આવ્યા છે. જેમાં દ્વારકાના કલ્યાણપુરમાં 7 ઈંચ વરસાદ પડ્યો હતો. જ્યારે ખંભાળિયામાં 6.5 અને માણાવદરમાં 6 ઈંચ વરસાદ પડ્યો હોવાના આંકડા જોવા મળ્યાં છે. તેવામાં કેશોદમાં 6 ઈંચ વરસાદ વરસ્યો છે. આ ઉપરાંત, 13 તાલુકામાં 4 ઈંચથી વધુ વરસાદ નોંધાયો છે.
રેડ એલર્ટ અંતર્ગતના જિલ્લા 

સુરત, નવસારી, વલસાડ, દમણ, દાદરાનગર હવેલી, જામનગર, પોરબંદર, જૂનાગઢ, દ્વારકા, કચ્છનો સમાવેશ છે. 

ઓરેન્જ એલર્ટ જાહેર કરાયેલા જિલ્લા

બનાસકાંઠા, પાટણ, પંચમહાલ, દાહોદ, મહીસાગર, છોટાઉદેપુર, નર્મદા, ભરૂચ, ડાંગ, તાપી, રાજકોટ, અમરેલી, ભાવનગર, મોરબી, ગીરસોમનાથનો સમાવેશ થાય છે. 

આ ઉપરાંત કેટલાંક જિલ્લામાં ભારે વરસાદી સ્થિતિને પગલે યલો એલર્ટ જાહેર કરવામાં આવ્યું છે. જેમાં મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, પંચમહાલ, મહીસાગર, સુરેન્દ્રનગર, દીવને સમાવેશ કરાયો છે.