જાપાનના વડાપ્રધાન શિંઝો આબેએ કથળી રહેલા સ્વાસ્થ્યને પગલે રાજીનામું આપી દીધું છે. આબે જાપાનના ઈતિહાસમાં અત્યાર સુધી સૌથી લાંબો સમય સુધી પીએમ પદે રહેલા નેતા છે. વિશ્વના ત્રીજા ક્રમના સૌથી મોટા અર્થતંત્ર જાપાનના વડાપ્રધાન પદેથી રાજીનામું આપતા આબેએ જણાવ્યું કે, જો હું લોકો માટે શ્રેષ્ઠ નિર્ણયો ના લઈ શકું તો મને પીએમ પદ પર રહેવાનો અધિકાર નથી. સ્વાસ્થ્યને લઈને હું આ પદ પરથી રાજીનામું આપી રહ્યો છું તેમ 65 વર્ષીય આબેએ જણાવ્યું હતું. શિન્ઝો આબે જાપાનના પીએમ તરીકે સતત આઠ વર્ષ સૌથી લાંબો કાર્યકાળ ધરાવતા વડાપ્રધાન રહ્યા છે.  

આબે વર્ષોથી અલ્સરેટિવ કોલાઈટિસ (આંતરડામાં ચાંદા)ની સમસ્યાથી પીડાઈ રહ્યા છે અને તેમણે એક સપ્તાહમાં બે હોસ્પિટલમાં સારવાર કરાવી હતી. આ સાથે જ તેઓના સપ્ટેમ્બર 2021 સુધી પીએમ પદ પર રહેવા સામે પ્રશ્નાર્થ ઊભો થયો હતો.    

આબેના રાજીનામાના અહેવાલને પગલે જાપાનના શેરબજારનો સૂચકાંક નિક્કાઈ 2.12 ટકા ગગડીને 22,717 થયો હતો. પીએમ પદેથી આબેના રાજીનામા બાદ દેશનું સુકાન કોને મળી શકે તે અંગેની ચર્ચાઓ પણ થઈ રહી છે. આગામી બેથી ત્રણ અઠવાડિયામાં શાસક લિબરલ ડેમોક્રેટિક પાર્ટી તેમના નેતાને સંસદમાં ચૂંટશે. ચૂંટાયેલા નવા નેતા આબેના બાકીના કાર્યકાળ સુધી જવાબદારી સંભાળશે. જો કે નવા ચૂંટાયેલા નેતા માટે કોરોના વાયરસ વચ્ચે દેશની ધૂરા સંભાળવાનો પડકાર રહેશે અને સાથે જ આબેની જેમ દીર્ઘકાળ સુધી પીએમ પદ ટકાવી રાખશે કે કેમ તે મહત્વપૂર્ણ બની રહેશે.

જાપાનના વડાપ્રધાન શિંઝો આબેએ કથળી રહેલા સ્વાસ્થ્યને પગલે રાજીનામું આપી દીધું છે. આબે જાપાનના ઈતિહાસમાં અત્યાર સુધી સૌથી લાંબો સમય સુધી પીએમ પદે રહેલા નેતા છે. વિશ્વના ત્રીજા ક્રમના સૌથી મોટા અર્થતંત્ર જાપાનના વડાપ્રધાન પદેથી રાજીનામું આપતા આબેએ જણાવ્યું કે, જો હું લોકો માટે શ્રેષ્ઠ નિર્ણયો ના લઈ શકું તો મને પીએમ પદ પર રહેવાનો અધિકાર નથી. સ્વાસ્થ્યને લઈને હું આ પદ પરથી રાજીનામું આપી રહ્યો છું તેમ 65 વર્ષીય આબેએ જણાવ્યું હતું. શિન્ઝો આબે જાપાનના પીએમ તરીકે સતત આઠ વર્ષ સૌથી લાંબો કાર્યકાળ ધરાવતા વડાપ્રધાન રહ્યા છે.  

આબે વર્ષોથી અલ્સરેટિવ કોલાઈટિસ (આંતરડામાં ચાંદા)ની સમસ્યાથી પીડાઈ રહ્યા છે અને તેમણે એક સપ્તાહમાં બે હોસ્પિટલમાં સારવાર કરાવી હતી. આ સાથે જ તેઓના સપ્ટેમ્બર 2021 સુધી પીએમ પદ પર રહેવા સામે પ્રશ્નાર્થ ઊભો થયો હતો.    

આબેના રાજીનામાના અહેવાલને પગલે જાપાનના શેરબજારનો સૂચકાંક નિક્કાઈ 2.12 ટકા ગગડીને 22,717 થયો હતો. પીએમ પદેથી આબેના રાજીનામા બાદ દેશનું સુકાન કોને મળી શકે તે અંગેની ચર્ચાઓ પણ થઈ રહી છે. આગામી બેથી ત્રણ અઠવાડિયામાં શાસક લિબરલ ડેમોક્રેટિક પાર્ટી તેમના નેતાને સંસદમાં ચૂંટશે. ચૂંટાયેલા નવા નેતા આબેના બાકીના કાર્યકાળ સુધી જવાબદારી સંભાળશે. જો કે નવા ચૂંટાયેલા નેતા માટે કોરોના વાયરસ વચ્ચે દેશની ધૂરા સંભાળવાનો પડકાર રહેશે અને સાથે જ આબેની જેમ દીર્ઘકાળ સુધી પીએમ પદ ટકાવી રાખશે કે કેમ તે મહત્વપૂર્ણ બની રહેશે.