ટેક્નોલોજીનો વ્યાપ વધી રહ્યો છે તેમ તેની આડઅસર તરીકે ઈલેક્ટ્રોનિક વેસ્ટ (ઈ-વેસ્ટ)નું પ્રમાણ પણ સતત વધી રહ્યું છે. સૌથી વધુ ઈ-વેસ્ટ કરતું હોય તેવા રાજ્યોમાં 8.8% સાથે ગુજરાત છઠ્ઠા અને તામિલનાડુ 13% સાથે ટોચના સ્થાને છે. 

ધ એસોસિયેટેડ ચેમ્બર્સ ઓફ કોમર્સ એન્ડ ઇન્ડસ્ટ્રી ઓફ ઇન્ડિયા (એસોચેમ) દ્વારા હાથ ધરાયેલા અભ્યાસ અનુસાર 2016 સુધી સમગ્ર દેશમાં 2 મિલિયન મેટ્રિક ટન ઈ-વેસ્ટનું પ્રોડક્શન થયું હતું. જેની સરખામણીમાં વર્ષ 2020 સુધીમાં ઈ-વેસ્ટ પ્રોડક્શન 5.2 મિલિયન મેટ્રિક ટન થઇ શકે છે. સામાજિક-આર્થિક વિકાસ, ટેક્નોલોજીમાં થઇ રહેલી હરણફાળ જેવા પરિબળોથી ઈ-વેસ્ટમાં સતત વધારો થઇ રહ્યો છે. અનેક વિકસીત દેશો તેમના ઈ-વેસ્ટને પછાત દેશોમાં ઠાલવી રહ્યા હોવાનું પણ સામે આવી રહ્યું છે. 

સમગ્ર વિશ્વમાં 2016ના વર્ષમાં ઈ-વેસ્ટનું  પ્રમાણ 44.70 મિલિયન મેટ્રિક ટન હતું અને તે વર્ષ 2021 સુધીમાં 52.20 મિલિયન મેટ્રિક ટન સુધી પહોંચી શકે છે. ઉલ્લેખનીય છે કે, ઈ-વેસ્ટ દ્વારા લીડ, કેડમિમમ, ક્રોનિયમ, મર્ક્યુરી, પોલવિનિલ ક્લોરાઇડ્સ જેવા ઝેરી કેમિકલ્સ-ધાતુ બહાર આવે છે. જેનાથી શ્વાચ્છોશ્વાસ, કિડની અને હાડકામાં ખામી સર્જાઇ શકે છે. 

ટેક્નોલોજીનો વ્યાપ વધી રહ્યો છે તેમ તેની આડઅસર તરીકે ઈલેક્ટ્રોનિક વેસ્ટ (ઈ-વેસ્ટ)નું પ્રમાણ પણ સતત વધી રહ્યું છે. સૌથી વધુ ઈ-વેસ્ટ કરતું હોય તેવા રાજ્યોમાં 8.8% સાથે ગુજરાત છઠ્ઠા અને તામિલનાડુ 13% સાથે ટોચના સ્થાને છે. 

ધ એસોસિયેટેડ ચેમ્બર્સ ઓફ કોમર્સ એન્ડ ઇન્ડસ્ટ્રી ઓફ ઇન્ડિયા (એસોચેમ) દ્વારા હાથ ધરાયેલા અભ્યાસ અનુસાર 2016 સુધી સમગ્ર દેશમાં 2 મિલિયન મેટ્રિક ટન ઈ-વેસ્ટનું પ્રોડક્શન થયું હતું. જેની સરખામણીમાં વર્ષ 2020 સુધીમાં ઈ-વેસ્ટ પ્રોડક્શન 5.2 મિલિયન મેટ્રિક ટન થઇ શકે છે. સામાજિક-આર્થિક વિકાસ, ટેક્નોલોજીમાં થઇ રહેલી હરણફાળ જેવા પરિબળોથી ઈ-વેસ્ટમાં સતત વધારો થઇ રહ્યો છે. અનેક વિકસીત દેશો તેમના ઈ-વેસ્ટને પછાત દેશોમાં ઠાલવી રહ્યા હોવાનું પણ સામે આવી રહ્યું છે. 

સમગ્ર વિશ્વમાં 2016ના વર્ષમાં ઈ-વેસ્ટનું  પ્રમાણ 44.70 મિલિયન મેટ્રિક ટન હતું અને તે વર્ષ 2021 સુધીમાં 52.20 મિલિયન મેટ્રિક ટન સુધી પહોંચી શકે છે. ઉલ્લેખનીય છે કે, ઈ-વેસ્ટ દ્વારા લીડ, કેડમિમમ, ક્રોનિયમ, મર્ક્યુરી, પોલવિનિલ ક્લોરાઇડ્સ જેવા ઝેરી કેમિકલ્સ-ધાતુ બહાર આવે છે. જેનાથી શ્વાચ્છોશ્વાસ, કિડની અને હાડકામાં ખામી સર્જાઇ શકે છે.