Coronavirus: રાજ્યમાં એક દિવસમાં રેકોર્ડ બ્રેકિંગ 615 નવા કેસ નોંધાયા, 18ના મોત થતા કુલ મૃત્યુઆંક 1790, કુલ દર્દી 30773

ગુજરાત સરકારના આરોગ્ય વિભાગે આપેલ જાણકારી મુજબ, રાજ્યમાં છેલ્લા 24 કલાકમાં કોરોનાના રેકોર્ડ બ્રેકિંગ 615 નવા કેસ નોંધાયા છે. અત્યાર સુધીમાં એક દિવસમાં નોંધાયેલા કેસો પૈકી આ આંકડો સૌથી વધુ છે. આ સાથે જ આજે 379 દર્દી સ્વસ્થ થતાં તેમને ડિસ્ચાર્જ કરવામાં આવ્યા છે. અત્યાર સુધીમાં 22417 લોકો કોરોનાને મ્હાત આપી ચૂક્યા છે.

જણાવી દઈએ કે, છેલ્લા 24 કલાક દરમિયાન રાજ્યમાં 18 દર્દીના મોત થયા છે. આજે અમદાવાદમાં 12, સુરતમાં 2, જ્યારે રાજકોટ, ગાંધીનગર, બોટાદ અને જુનાગઢ જિલ્લામાં એક-એક દર્દીનું મોત નિપજ્યું છે. અત્યાર સુધીમાં રાજ્યમાં કુલ 1790 દર્દીના મોત કોરોનાને કારણે થયા છે. ઉલ્લેખનીય છે કે, ગુજરાતમાં અમદાવાદમાં સૌથી વધુ 1411ના મોત થયા છે. રાજ્યના કુલ 30773 કેસ પૈકી 20269 કેસ માત્ર અમદાવાદના છે જે તંત્ર માટે ચિંતાનો વિષય છે. હાલમાં 6566 એક્ટિવ કેસ છે. 6497 દર્દી સ્ટેબલ છે જ્યારે 69 દર્દી વેન્ટિલેટર પર છે.

આજના કેસ

અમદાવાદ 211

સુરત 184

વડોદરા 47

નવસારી 21

મહેસાણા 16

ભાવનગર 14

રાજકોટ 12

આણંદ 11

કચ્છ 11

ગાંધીનગર 9

ભરૂચ 8

જામનગર 7

સાબરકાંઠા 7

છોટા ઉદેપુર 7

સુરેન્દ્રનગર 7

અરવલ્લી 5

પંચમહાલ 5

વલસાડ 5

જૂનાગઢ 4

ખેડા 3

નર્મદા 3

મોરબી 3

અમરેલી 3

બોટાદ 2

પાટણ 2

ગીર સોમનાથ 2

દાહોદ 2

બનાસકાંઠા 1

મહીસાગર 1

તાપી 1

અન્ય રાજ્ય 1

કુલ 615