મેમાં જીએસટીની આવક ગત વર્ષ કરતા 12 ટકા વધી રૂ.1.57 લાખ કરોડ

નાણાકીય વર્ષ ૨૦૨૨-૨૩માં મોંઘવારી અને વૈશ્વિક પડકારો વચ્ચે અર્થતંત્ર ૭.૨ ટકાના દરે વિકસ્યા પછી નવા નાણાકીય વર્ષમાં પણ વૃદ્ધિ ચાલુ રહી હોવાના સંકેત મળ્યા છે. નાણાકીય વર્ષ ૨૦૨૨-૨૩માં જીએસટી કરની માસિક સરેરાશ આવક રૂ.૧.૫૧ લાખ કરોડ હતી તેની સામે એપ્રિલના વેચાણના આધારે મે મહિનામાં એકત્ર કરવામાં આવેલા ગુડ્સ એન્ડ સર્વિસ ટેક્સ (જીએસટી)ની કુલ આવક રૂ.૧,૫૭,૦૯૦ કરોડ રહી છે. આ ટેક્સ કલેક્શન મે ૨૦૨૨ કરતા ૧૨ ટકા વધારે હોવાનું નાણા મંત્રાલયે એક નિવેદનમાં જણાવ્યું છે. જુલાઈ ૨૦૧૬માં વિવિધ કેન્દ્રીય અને રાજ્ય સ્તરના પરોક્ષ કરવેરા ભેગા કરી અમલમાં આવેલા જીએસટીની આવક આ સમયગાળામાં કુલ પાંચ વખત રૂ.૧.૫૦ લાખ કરોડ કરતા વધારે રહી છે.

Editor In Chief : Dr Dhimant Purohit