120 કિ.મી.ની ઝડપે રેમલ વાવાઝોડું ત્રાટક્યું, પ.બંગાળમાં મૂશળ

દેશમાં ચોમાસાના આગમનની તૈયારીઓ છે ત્યારે પશ્ચિમ બંગાળમાં રવિવારે મોડી રાતે રેમલ ચક્રવાત ત્રાટક્યું હતું. આ સિઝનમાં દેશના પૂર્વીય રાજ્યો પર ત્રાટકેલું આ પહેલું વાવાઝોડું છે. આ ચક્રવાતના કારણે બંગાળમાં મુશળધાર વરસાદ શરૂ થઈ ગયો છે. ચક્રવાતની ગંભીરતાને ધ્યાનમાં રાખીને સરકારે અગાઉથી જ તૈયારીઓ કરી લેતાં 1.10 લાખથી વધુ લોકોને સુરક્ષિત સ્થળો પર ખસેડાયા છે. 349 જેટલી ફ્લાઈટ્સ રદ કરી છે. રેલ-રોડ પરિવહન પણ બંધ કરાયા છે. વધુમાં કોઈપણ ઈમર્જન્સી પરિસ્થિતિનો સામનો કરવા માટે સ્ટેટ ડિઝાસ્ટર રિઝર્વ ફોર્સ અને એનડીઆરએફની 16-16 બટાલીયન દરિયા કિનારાના વિસ્તારોમાં તૈનાત કરાઈ છે. વધુમાં દિલ્હીમાં વડાપ્રધાન મોદીએ પણ ચક્રવાતનો સામનો કરવાની તૈયારીઓ અંગે સમીક્ષા બેઠક કરી હતી.

Editor In Chief : Dr Dhimant Purohit