આજે વાયનાડ લોકસભા અને 31 વિધાનસભા બેઠકો પર પેટાચૂંટણી, ઝારખંડમાં 43 બેઠકો પર મતદાન

ઝારખંડ વિધાનસભા ચૂંટણી 2024ના પ્રથમ તબક્કાનું મતદાન બુધવાર, 13 નવેમ્બરના રોજ થશે. આ સાથે કેરળની વાયનાડ લોકસભા સીટ અને વિવિધ રાજ્યોની 31 વિધાનસભા સીટો પર પેટાચૂંટણી માટે પણ મતદાન થશે. ચૂંટણી પંચે મતદાનની તૈયારીઓ પૂર્ણ કરી લીધી છે.
પ્રથમ તબક્કામાં ઝારખંડની કુલ 81 વિધાનસભા બેઠકોમાંથી 43 બેઠકો પર ચૂંટણી યોજાશે. આ તબક્કામાં 1.37 કરોડ મતદારો તેમના મતાધિકારનો ઉપયોગ કરશે. ચૂંટણી પંચના ડેટા અનુસાર, પ્રથમ તબક્કામાં કુલ 683 ઉમેદવારો મેદાનમાં છે, જેમાં 609 પુરૂષો, 73 મહિલાઓ અને એક થર્ડ જેન્ડર ઉમેદવારનો સમાવેશ થાય છે. 43 મતવિસ્તારોમાંથી, 17 સામાન્ય બેઠકો માટે, 20 અનુસૂચિત જનજાતિ માટે અને છ અનુસૂચિત જાતિ માટે અનામત છે.

Editor In Chief : Dr Dhimant Purohit