Bihar: શોભાયાત્રામાં ટ્રક ઘૂસી જતાં લગભગ 12 લોકોના મોત , રાષ્ટ્રપતિએ શોક વ્યક્ત કર્યો

ભારતના રાષ્ટ્રપતિ દ્રૌપદી મુર્મુએ બિહારના વૈશાલી માર્ગ અકસ્માત પર શોક વ્યક્ત કર્યો છે. અહીં એક બેકાબૂ ટ્રકે રસ્તાના કિનારે ચાલી રહેલા ઘણા લોકોને કચડી નાખ્યા, જેમાં 12 લોકોના મોત થયા. રવિવારે રાત્રે બનેલા આ અકસ્માતમાં ઓછામાં ઓછા 7 બાળકોએ જીવ ગુમાવ્યો હતો. અકસ્માત થયો ત્યારે લોકો ધાર્મિક શોભાયાત્રા કાઢી રહ્યા હતા. રાષ્ટ્રપતિ દ્રૌપદી મુર્મુએ માર્ગ અકસ્માતમાં પોતાના પ્રિયજનોને ગુમાવનારા પરિવારો પ્રત્યે સંવેદના વ્યક્ત કરી હતી. રાષ્ટ્રપતિ ભવન દ્વારા એક ટ્વીટમાં કહેવામાં આવ્યું છે કે રાષ્ટ્રપતિએ “આ અકસ્માતમાં તેમના પ્રિયજનો અને ઘાયલોને ગુમાવનારાઓના પરિવારના ઝડપી સ્વસ્થ થવાની કામના કરી છે.”

Editor In Chief : Dr Dhimant Purohit