કર્મચારી ભવિષ્ય નિધિ સંગઠને (EPFO) દેશના 7.5 કરોડ મેમ્બર્સને મોટી રાહત આપી છે. હવે PF ઉપાડની ઓટો સેટલમેન્ટ લિમિટને વધારીને પાંચ લાખ રૂપિયા કરી દેવાઈ છે, જે અત્યાર સુધી એક લાખ રૂપિયા હતી એટલે કે હવે કોઈ ડોક્યુમેન્ટેશન વિના પીએફ એકાઉન્ટ હોલ્ડર આટલી રકમ કાઢી શકશે. આ સાથે જ અત્યાર સુધી જે ક્લેમ સેટલમેન્ટ 10 દિવસમાં થતો હતો તે લગભગ 3-4 દિવસમાં જ થશે. આ સિવાય ઈપીએફઓએ લગ્ન, એજ્યુકેશન અને ઘર ખરીદવા માટે પણ પીએફ ઓટો-ક્લેમની સુવિધા આપવાનો નિર્ણય કર્યો છે. પહેલા માત્ર બિમારી અને હોસ્પિટલના ખર્ચ માટે જ PF એકાઉન્ટથી ઓટો ક્લેમ મળતો હતો.