એક તરફ દેશ અને રાજ્યમાં વધતી મોંઘવારીને લઈને સામાન્ય માણસ પરેશાન છે ત્યારે હવે વધુ એક વખત મોંઘવારીનો માર પડયો છે. નવા વર્ષની શરુઆતમાં જ લોકોને મળી મોંધવારીની વધુ એક ભેટ. આજે અદાણીએ CNGમાં ભાવ વધારો કર્યો હતો. આ અગાઉ ગુજરાત ગેસે CNG અને PNGના ભાવમાં 5 ટકાનો વધારો કર્યો હતો. 
સતત મોંઘવારી વધી રહી છે તેવામાં સામાન્ય માણસને જીવન જીવવું મુશ્કેલ બની ગયુ છે. નવા વર્ષનો પ્રારંભ થયો છે તેને હજુ એક અઠવાડિયાનો જ સમય વિત્યો છે ત્યાં CNGના ભાવમાં વધારો ઝીંકી દેવામાં આવ્યો હતો. અદાણીએ આજે CNGના ભાવમાં વધારો કર્યો હતો. આ અગાઉ ગુજરાત ગેસે ભાવ વધારો કર્યો હતો. આજે અદાણીએ ગેસે CNGના ભાવમાં કિલો દીઠ રૂ.1નો વધારો કર્યો છે. આ ભાવ વધતા હવે અદાણી CNGનો ભાવ રૂ.79.34થી વધીને રૂ.80.34 થયો છે. વાહનચાલકોએ ગુજરાત ગેસના CNG માટે 78.52 રૂપિયા પ્રતિ કિલો ચૂકવવા પડશે.