'અબકી બાર દિલ્હી મેં INDIA સરકાર': CM મમતા બેનર્જીની તસવીર સાથે કોલકાતામાં લાગ્યા નવા પોસ્ટર

વિપક્ષી પાર્ટીઓનું ગઠબંધન 'INDIA'ના એલાન બાદ પશ્ચિમ બંગાળના રાજકારણમાં તેની અસર જોવા મળી રહી છે. રાજધાની કોલકાતામાં ગઠબંધન INDIAને લઈને નવા પોસ્ટર લાગ્યા છે. અનેક જગ્યાએ લાગેલા આ પોસ્ટરમાં દિલ્હી તરફ ઈશારો કરતા મમતા બેનર્જીની તસવીર સાથે લખ્યુ છે કે, 'અબકી બાર દિલ્હી મેં INDIA સરકાર'. મહત્વની વાત એ છે કે, બંગાળમાં લાગેલા આ પોસ્ટર પર હિંદી ભાષામાં લખવામાં આવ્યું છે.

2024ની લોકસભા ચૂંટણીમાં પીએમ મોદીના નેતૃત્વ વાળા NDAનો વિજય રથ રોકવા માટે 26 વિપક્ષી પાર્ટીઓ એક સાથે આવી છે. 18 જુલાઈના રોજ આ વિપક્ષી પાર્ટીઓની બેઠક કર્ણાટકની રાજધાની બેંગલોરમાં યોજાઈ હતી. જ્યાં બધાએ ઈન્ડિયન નેશનલ ડેવલપમેન્ટલ ઈન્ક્લુઝિવ એલાયન્સ-ઈન્ડિયા નામનો એનડીએ વિરોધી મોરચો બનાવવાની જાહેરાત કરી હતી.

Editor In Chief : Dr Dhimant Purohit