AAP નેતા જે.જે. મેવાડા દ્વારા થયેલા ભ્રષ્ટચારથી કરોડોની મિલકત વસાવવા અંગે કોર્ટે તપાસના આદેશ આપ્યા

અમદાવાદ શહેર આમ આદમી પાર્ટીના નેતા તેમજ અસારવા બેઠકના AAPના ઉમેદવાર જે.જે. મેવાડા સામે કોર્ટે તપાસના આદેશ આપતા આપ બેડામાં ખળભળાટ મચી ગયો છે. ભ્રષ્ટાચારના કેસમાં કોર્ટે જે.જે. મેવાડા સામે 202 મુજબ તપાસના આદેશ આપ્યા છે. DYSPની ફરજ દરમિયાન જે.જે. મેવાડાએ કરેલ ભ્રષ્ટાચાર અંગે ગુજરાત ACB ઈન્કવાયરી કરી કોર્ટને રિપોર્ટ કરશે. ગાંધીનગરના વિરલ ગોસ્વામી દ્વારા મોડાસા કોર્ટમાં જે.જે. મેવાડા સામે તપાસની માંગ કરાઈ હતી.
જે.જે. મેવાડાએ ફરજ દરમિયાન ભ્રષ્ટાચાર આચરી જમીન અને મિલકતો વસાવી હોવાના આક્ષેપ સાથે તપાસની માંગ કરાઈ હતી. નિવૃત્ત પોલીસ અધિકારી જે.જે.મેવાડા સામે આવક કરતાં વધુ સંપત્તિ અને રૂ. 300 કરોડના આક્ષેપો સાથે ફરિયાદ દાખલ થયા પછી રાજકારણ ગરમાયું છે.

Editor In Chief : Dr Dhimant Purohit