ઉડુપીની પ્રી-સ્કૂલમાંથી ઉદ્ભવેલો વિવાદ સુપ્રીમની મોટી બેન્ચ

કર્ણાટક સરકારે સ્કૂલ-કોલેજોના ક્લાસરૂમમાં હિજાબ સહિતનો ધાર્મિક પહેરવેશ પહેરવા પર પ્રતિબંધ મૂકવાની સાથે દેશભરમાં હિજાબ મુદ્દે વિવાદ સર્જાયો હતો. ઉડુપીની પ્રી-યુનિવર્સિટીમાં કેટલીક વિદ્યાર્થિનીઓએ હિજાબ પહેરતા શરૂ થયેલા વિવાદ મુદ્દે સુપ્રીમ કોર્ટમાં ગુરુવારે ખંડિત ચૂકાદો આવ્યો હતો. આ કેસ હવે મોટી બેન્ચને ટ્રાન્સફર કરાયો છે. ત્યારે આ વિવાદ પર એક નજર...
કેવી રીતે વિવાદ શરૂ થયો : ગયા વર્ષે કર્ણાટકના ઉડુપી જિલ્લામાં એક પ્રી-યુનિવર્સિટીએ કેટલીક વિદ્યાર્થિનીઓએ સ્કૂલમાં હિજાબ પહેરીને આવવા પર પ્રતિબંધ મુકી દીધો હતો. વિદ્યાર્થિનીઓએ કોલેજ ઓથોરિટીના નિર્ણય સામે દેખાવો કર્યા હતા અને આ નિર્ણયને જાન્યુઆરી ૨૦૨૨માં કર્ણાટક હાઈકોર્ટમાં પડકાર્યો હતો.

Editor In Chief : Dr Dhimant Purohit